III, q. 86, Intro
De effectu poenitentiae quantum ad remissionem peccatorum mortalium
Deinde considerandum est de effectu poenitentiae. Et primo, quantum ad remissionem peccatorum mortalium; secundo, quantum ad remissionem peccatorum venialium; tertio, quantum ad reditum peccatorum dimissorum; quarto, quantum ad restitutionem virtutum.
Circa primum quaeruntur sex.
- Primo, utrum peccata mortalia per poenitentiam auferantur. - Secundo, utrum possint sine poenitentia tolli. - Tertio, utrum possit remitti unum sine alio. - Quarto, utrum poenitentia auferat culpam remanente reatu. - Quinto, utrum remaneant reliquiae peccatorum. - Sexto, utrum auferre peccatum sit effectus poenitentiae inquantum est virtus, vel inquantum est sacramentum.