II-II, q. 13, Intro
De blasphemia in generali
Deinde considerandum est de peccato blasphemiae, quod opponitur confessioni fidei. Et primo, de blasphemia in generali; secundo, de blasphemia quae dicitur peccatum in spiritum sanctum.
Circa primum quaeruntur quatuor. - Primo, utrum blasphemia opponatur confessioni fidei. - Secundo, utrum blasphemia semper sit peccatum mortale. - Tertio, utrum blasphemia sit maximum peccatorum. - Quarto, utrum blasphemia sit in damnatis.