I-II, q. 103, Intro
De duratione caeremonialium praeceptorum
Deinde considerandum est de duratione caeremonialium praeceptorum. Et circa hoc quaeruntur quatuor. - Primo, utrum praecepta caeremonialia fuerint ante legem. - Secundo, utrum in lege aliquam virtutem habuerint iustificandi. - Tertio, utrum cessaverint Christo veniente. - Quarto, utrum sit peccatum mortale observare ea post Christum.